आमच्याविषयी

हे जग सुख-दु:खांच्या भावनांवर तरलेलं आहे, असं कोणी म्हटलं तर त्यात काही वावगं ठरणार नाही. पण, जगण्याला अन्न, वस्त्र आणि निवारा या गोष्टी आवश्यक आहेत. याचबरोबर आरोग्य, शिक्षण, महिला विकास, विद्यार्थी विकास आणि अजूनही अशी बरीच क्षेत्रं आहेत. जी माणसाच्या जगण्याला सहज करतात.

मात्र, इतक्या वर्षानंतरही अनेक नागरिकांपर्यंत या गोष्टी पोहचल्याच नाहीत. म्हणूनच २०१५ मध्ये अ.नगर जिल्ह्यातील, बालमटाकळी येथील माळरानावर व्यंकटेश फाऊंडेशनची स्थापना करण्यात आली. ही संस्था उदयास येण्याच्या आधीपासूनच व्यंकटेश ग्रुपच्या संस्थापक व सह-संस्थापकांनी सामान्यांची सेवा करण्याचा आरंभ केला होता. आजमितीला संस्था सामान्यांचा आधार म्हणून नावरूपास आली असून थोडं इतरांसाठी जगूया… हे बोधवाक्य संस्थेनं सार्थ ठरवले आहे.

आज संस्थेचं काम महाराष्ट्रभर पसरलं आहे. संस्था तळागाळातील घटकांसाठी मोठ्या ताकदीने कार्यरत आहे. यामध्ये, आरोग्य, शिक्षण, महिला सक्षमीकरण, आर्थिक साक्षरता आणि बॅंकिंगचाही समावेश आहे. याचबरोबर, देशी गाईंच्या संवर्धनाचे कामही हाती घेतलं आहे. याशिवाय वर्षभर आरोग्य शिबिरं व प्रशिक्षणं शिबिरं राबवली जातात. तसेच, अन्नछत्रालयाच्या माध्यमातून जेवणाचा डब्बा मोफत दिला जात आहे. गावा-खेड्यात राहणाऱ्या नागरिकांना पाण्या-पावसात अंत्यविधी करताना अडचणी येऊ नये. यासाठी संस्थेच्या वतीने स्वर्ग रथाची कायमस्वरूपी व्यवस्था करण्यात आली असून ती मोफत आहे. याचबरोबर कोणाची व्यवसाय उभा करण्याची इच्छा असल्यास व्यंकटेश फाऊंडेशन अर्थ सहाय्यही करत आहे.

जिथे सामान्यांना गरज आहे, त्या प्रत्येक क्षेत्रात संस्थेने आपली उपस्थिती दाखवली आहे. आपल्या सर्वांच्या प्रेमामुळे व पाठिंब्यामुळे इथपर्यंत पोहचलो आहोत. आम्हाला माहिती आहे हे नातं अजून फुलतच राहणार आहे... आपली सोबत कायम अशीच राहू द्या.